Foi Frederick Krueger acusado injustamente duns crimes cometidos em realidade por Charles Manson? Seria acolhido Elliot no planeta de E.T. com a mesma crueza com a que foi tratado este na Terra? Como é que Jason Voorhees, um adolescente de 16 anos que vive ao lado dum lago, nom sabe nadar? Houvo quem já pensou nisto tudo mas, infelizmente, os seus filmes nom acabarom por ser levados à tela. Calma: aqui estamos nós para deitar luz na obscuridade.
Neste Development Hell, ou Filmes que Nom Forom Feitos e que Prestava Ver, falaremos de cousas tam diversas como o que poderia ter sido a saga de Candyman ou Resident Evil se tomassem umha outra direçom, crossovers impossíveis, Lovecraft visto por Guillermo del Toro, Schwarzenegger contra vampiros apocalípticos ou Michael Myers com Lee Van Cleef deixando um fio de cadáveres pola Rota 66.
Aparecem nomes ilustres como Alfred Hitchcock, Dario Argento, Mario Bava, George A. Romero, David Fincher, Karyn Kusama, Tobe Hooper ou Quentin Tarantino, entre outros. Estes som alguns dos responsáveis de 18 filmes que morreram antes de serem finalizados.
No próximo programa, penúltimo da temporada, teremos o aguardado Especial Chuches (Volumem 1). Os filmes para esta primeira ediçom serám Willy’s Wonderland, Zombie Nation e Verotika. Corre ao teu provedor pessoal de guloseimas!
RECOMENDAÇOM
Torso (banda desenhada, 1999)
Get Out (2017)
Captain Fantastic (2016)
La Frecuencia Kirlian (série, 2017)
El Inocente (série, 2021)
MEH
The Boy (2016)
Жаным, ты не поверишь! (Sweetie, You Won't Believe It; 2020)
El Practicante (2020)
PREVENÇOM
Initiation (2020)
Premium
Plus
Comentarios
Boas Maldeolhers, hoje na secçom de Odilo queira comentar-vos que a minha apertada agenda nom me permitiu ver nenhum fanfilm, seguiremo-lo intentando. O que sim que me permitiu fazer e escoitar a Miguel dizer que "Galicia bonita" é telelixo... Bom, Miguel só pode dizer isso por um motivo e este é que seja mala pessoa, mas isto nom fica aquí, realmente sospeito que Miguel é o autêntico demo encarnado. Sim como o oides, em realidade a figura que se oculta detrás de Miguel é o maligno Zé do Caixão. Sei que é unha afirmaçom arriscada mas tenho provas: - Miguel fala galego coma o Zé - Miguel tem a voz infernal do Zé - Miguel gosta de rir a gargalhadas durante o podcast e de restregarnos "O mais cruel", crueldade que só pode fazer o Zé. Sei que ao melhor ainda nom som provas concluintes, mas seguirei investigando até desemacara-lo. Deixando teorias conspiratórias a parte, tenho que dizer que gostei muito deste especial. Polo tanto e a pessar de desprestigiar a "Galicia bonita", vou-lhe a dar o selo "Odilo approves". Entre outras cousas fico coa imagem dos E.T.s malignos, que fam chorar a cativos nos cinemas e coa possível "Residente Evil" de Romero. Saga que penso que se adaptaria genial a este realizador, nom só polo tema zombi, senom também porque Romero tem umha imaginaçom mui tola, tal como podemos ver em "Knightriders" filme de cavaleiros motoristas os quales vam na sua moto com armaduras medievais. Em quanto ao próximo programa, só vim o filme de "Verotika", tentarei ver as outras duas obras mestras. Por certo, falando de obras mestras, é espectacular como Pineda imita a BSO de "Sexta-feira 13". Quantos talentos ocultos esconde? Nótase que é dumha raça superior. Continuando com obras mestras e lembrando que as séries som um arte menor. Tenho que pontualiçar que a "Frecuencia kirliam" nom é umha serie, é unha maravilha. Polo tanto, darei-lhe outro "Odilo approves". Mui recomendável e rápida de ver, está aí aí com "El deshorden que dejas". E como nom hoje nom podia faltar o... DICIONÁRIO MdO (lé-se eme de o) Chuche: S.F. Aditivo processado ou natural utilizado no âmbito do cinema de gênero para fazer que produçons de qualidade ínfima melhorem sustancialmente. Este curioso efecto soe vir acompanhado dumha mudança no gênero cara a comédia e de moita fame. Um saúdo mardeolhers! Seguide sendo bons e boas e lembrai, aos sionistas nem auga, "guerra mundial Z" igual a caca.